BTA, One Bacardi at Tripper Philippines.

BTA, One Bacardi at Tripper Phil.

Ito ang tatlong dambuhalang grupo o organisasyon ng mga pa-mean-ta at pa-girl.

Wala akong alam sa background nila kung paano nagsimula at nagtagal ang mga grupong ito.

Base lamang sa naririnig ko sa mga kuwentuhan at paistaran ng mga members ng 3 grupo kung bakit ako nagkaroon ng sariling ideya sa kung ano ba talaga sa paningin ng kagaya ko at ng iba ang 3 grupo sa komunidad.

Sabi ng nagpakilalang leader ng campus ng BTA na na-meet ko sa isang meet up ng mga pa-mean-ta na mag iinuman sa mga oras na yun, hindi DAW kailangan ng BTA na ma-link sa ibang organisasyon para makilala dahil kaya nitong magpakilala at makilala ng iba. Sa totoo lang, kalat nga sa facebook ang mga page group nila at kalat din ang textpad nila. Mas focus daw sila sa mga social media activities. Medyo mayabang si kuya, pero naunawaan ko, dahil lahat naman ng bakla, may attitude talaga.

Narinig ko sa isang kaibigan na kahit pang kain nalang, ipambibili nalang ng foundation sa mukha para magmukhang makinis. Yun DAW ang marka ng One Bacardi. Sa totoo lang, na-meet at nakasama ko na ang grupong ito sa ilang events na napupuntahan ko. Mga shala mula sa anyo hanggang sa pag uugali. Gaya nga ng sabi ko, lahat ng bakla, may kasosyalan ang attitude.

Nakilala ko naman ang Trippers Phil. dahil sa mga pageants. Talagang doon sila nakalinya at masasabi kong solido ang kanilang pagsuporta sa bawat member nila na kasali sa anumang patimpalak.

May ibat-ibang charities activities ang bawat grupo sa paraan nila. Kaya masasabi kong nakakatulong sila sa mga nangangailangan.

Kung ako ang tatanungin, 3 sila sa may magagandang intensyon sa lipunan, pero ang kinalungkot ko lang, sa kabila ng maganda nilang intensyon na magkaroon ng pagkakaisa, naroon pabrin ang deskriminasyon ng mga pa-mean-ta sa mga nagdadamit at mukhang babae.